Sport a Fräizäit

Tour mam Schëff

Während der Summerzäit bidden d'Schëffer vun Navitours an der Entente Iech kulinarsch an thematesch Soiréeën un. Ausserdeem kënnt Dir bei engem Tiirchen um Schëff am Dag dee wonnerschéine Muselpanorama genéissen. Loosst Iech dës Geleeënheet net entgoen!

Schwämm

Sech bei guddem Wierder ofkillen oder sech mat e puer Längte fit halen, heifir eegent sech perfekt déi oppe Schwämm zu Réimech.

Spazéier- a Wanderweeër

Et gëtt näischt méi Scheines wéi Réimech ze Fouss ze entdecken. Ob duerch de Bësch, d'Wéngerten oder laanscht d'Musel iwwert d'Esplanade; all eis Spazéier- a Wanderweeër bidden Iech nierft schéinen Aussichten och vill Plaz fir ze entspanen an ze relaxéieren un. All d'Spazéier- an d'Wanderweeër starten all um Parking ënnert der Bréck virun der Tourist Info.

Mini-Golf & Mini-Cars

Eng modern, 18-Lach Minigolf-Anlag, esou wéi eng 250-Meter laang Rennstreck mat klenge Scooteren, ënnerhalen d'ganz Famill.

Vëlo fueren

A kierzter Zäit sou vill wéi méiglech vu Réimech erliewen, geet am beschte mam Vëlo. Ob laanscht d'Musel, duerch déi charmant Gaassen, duerch de Bësch oder duerch d'Wéngerten, erlieft d'Villsäitegkeet vu Réimech op 2 Rieder!

Spillplazen

Och fir d'Kanner gëtt et vill zu Réimech ze entdecken, zum Beispill d'Spillplazen am Parc Jeannot Belling an op der Esplanade.

Syntheetesch Äispist

Den Highlight zu Réimech ass eng iwwerdeckten syntheetesch Äispist fir Kleng a Grouss op der Dr F. Kons Plaz.

Petanque

Réimech huet 2 Petanque Terrainen – ee bei der Schwämm an een am Park "Jeannot Belling" (anc. Park Brill)

Skate & Parkour

Skate a Parkour Park Réimech

Cornhole